miércoles, 22 de marzo de 2017

Viva a imaxinación!

Cantos beneficios ten estar en contacto día a día cos libros!!

https://es.literaturasm.com/somos-lectores/5-beneficios-de-imaginarios



sábado, 18 de marzo de 2017

Novidades

Aquí tendes algunhas das últimas novidades musicais. A que esperas para levalas?


miércoles, 15 de marzo de 2017

Un reto!

A Editorial Galaxia lanza un reto a todos os rapaces e rapazas de 12 a 16 anos. Pinchade na imaxe para máis información. Prestade atención!


A Editorial Galaxia lanza o primeiro Reto Lector destinado a fomentar a lectura en galego entre os adolescentes e as adolescentes. Cun formato novidoso no que os rapaces se converten en vloggers (video blogger) literarios, intentamos mediante esta proposta introducir aos máis novos no mundo dos libros.
http://editorialgalaxia.gal/un-reto-lector-fomentar-lectura-adolescentes/


miércoles, 8 de marzo de 2017

Lector de febreiro: Mabel Castro

Bueno, bueno. Menuda competición entre os maiores e os pequenos do cole. Cantos lectores hai nestas aulas. Que marabilla!

LEO: Como te chamas?
MABEL: Mabel.
LEO: Cantos anos tes, Mabel?
MABEL: 4.
LEO: Sabes por que estás aquí comigo?
MABEL: Non.
LEO: Quen leu moitos libros da biblioteca?
MABEL: Mami.
LEO: E ti?
MABEL: Tamén.
LEO: Ah, vale. Entón estás axudando a mami a aprender a ler. Non?
MABEL: Non, estou aprendendo eu.
LEO: Vale, vale. Xa me vou enterando. E xa sabes ler?
MABEL: Non.
LEO: Pero fáltache pouquiño, verdade?
MABEL: Sí.
LEO: Que libros liches da biblioteca? Recordas algún?
MABEL: Non... Algún sí.
LEO: Cal?
MABEL: A Mosca Chosca ("A casa da mosca chosca" de Eva Mejuto. Editorial Kalankraka).
LEO: E que lle pasa á Mosca Chosca?
MABEL: Que quere facer unha casa.
LEO: Ah, entón non ten casa. Durme nunha cama na rúa?
MABEL: Sí..
LEO: Carambas. Pero ten que estar morrendo de frío, entón.
MABEL: Sí.
LEO: E por iso fai unha casa, claro. Ten axuda para facer a casa ou faina soa?
MABEL: Sí (ten axuda).
LEO: Vale, Mabel. Recordas algún libro máis da biblioteca? Tes un montón anotados.
MABEL: Non.
LEO: Bueno. E cales son as personaxes que máis che gustan nos contos?
MABEL: A Moscha Chosca e as princesas.
LEO: Princesas. Cal é a princesa máis guapa de todas?
MABEL: A princesa Sofía.
LEO: Sofía? A túa compañeira de clase é unha princesa?
MABEL: Noo. Unha dos debuxos.
LEO: Ahh, e cando vés á princesa Sofía?
MABEL: Pola mañá.
LEO: Cando estás almorzando?
MABEL: Non.
LEO: Entón, en clase coa profe Iria. Que sorte!
MABEL: Noooon. En casa.
LEO: Ok. Dime unha cousa, Mabel. Quen le contigo?
MABEL: Mami.
LEO: E a mami lle gustan os contos de princesas e os de animais coma a ti?
MABEL: Non sei cales lle gustan. Creo que lle gustan todos.
LEO: Iso seguro que é porque le un montón, non?
MABEL: Sí.
LEO: Gústache ler?
MABEL: Sí.
LEO: E por que les tantos contos, Mabel?
MABEL: Porque son divertidos.
LEO: Riste un montón cos contos?
MABEL: Sí.
LEO: Unha pregunta difícil. Hai algún conto que non che fixera rir? Algún conto triste?
MABEL: Non, non existen.
LEO: Pois sí. Que ben, Mabel. Agora tes que buscar un sitio para sacar a foto.
MABEL: Aquí.
LEO: Aquí arriba? Queres subir?
MABEL: Sí.
LEO: Vale, eu axúdoche a subir pero que non se entere ninguén, eh!
MABEL: Vale.




miércoles, 8 de febrero de 2017

Lector de xaneiro: Desirée Cardoso

Xa temos aquí á primeira lectora do 2017! Os alumnos de 6º están en todo este curso. Felicidades!

LEO: Como te chamas?
DESIRÉE: Desirée González Cardoso.
LEO: Cantos anos tes, Desirée?
DESIRÉE: 11.
LEO: Es a lectora do mes de xaneiro. Fuches a segunda no mes de decembro. Como te sentes?
DESIRÉE: Ben.
LEO: Sabes cantos libros liches?
DESIRÉE: Non sei cantos pero penso que moitos porque estou aquí.
LEO: É un bo razoamento. E sí, moitos, polo menos, dos da biblioteca. Cales son os libros que máis che gustan?
DESIRÉE: Os que me parecen que teñen un título interesante. Por exemplo, o de Entrena tu mente ("Entrena tu mente para ser un genio" de John Woodward. Editorial Edebé).
LEO: Ese tamén me gusta a min! Ou sexa, que buscas os libros polo título?
DESIRÉE:  Sí.
LEO: E se hai algún libro cun título feo ou pequeno, xa non o les?
DESIRÉE: Se é feo... non. Se é pequeno...non sei. Léolle o resumo tamén.
LEO: Vale. Pregunta difícil. Que é un título feo para ti?
DESIRÉE: Un que a min non me transmite... enerxía.
LEO: Que boa resposta, encántame! Imos dar un paseo.... (pola biblioteca). Que che parece este título ("Don Quijote de la Mancha" de Miguel de Cervantes)?
DESIRÉE: Ben pero o libro é moi gordo.
LEO: Vale. E este ("La lección de August" de R. J. Palacio. Editorial Nube de tinta)?
DESIRÉE: ... non me parece moi interesante...
LEO:  E se te equivocas? Por exemplo, este libro leuno o teu compañeiro Iván dixo que estaba moi ben.
DESIRÉE: Si, Iván e Nuria. Pero...psss... non me chama.
LEO: Entón, que tipo de libros che van máis?
DESIRÉE: Os de misterio.
LEO: Con ou sen medo?
DESIRÉE: Con. Por exemplo, de misterio hai este que está ben, tamén me gustou moito ("O pai do artista" de Xavier Frías Conde. Editorial Mandaio).
LEO: E o teu libro favorito, cal é?
DESIRÉE: Este de aquí ("Á espreita na penumbra" de María Canosa Blanco. Editorial Sotelo Blanco).
LEO: De que vai que non o coñezo?
DESIRÉE: Vai dunha familia que fai anos tiña unha pantasma no armario. E xusto, ese ano, volvera. Os pais asustáronse. Dos dous irmáns, o maior sospeitaba que algo pasaba. Cando soubo que pasaba, á noite seguinte xuto, aparecen os pais mortos.
LEO: E non che da medo ese tipo de historias?
DESIRÉE: Bueeeno, home ás veces enganchaste demasiado e, outras, pensas que non ía a pasar isto.
LEO: Hai algún tipo de libro que non che guste nada? Algunha personaxe?
DESIRÉE: Non, ningún en especial.
LEO: Cando les?
DESIRÉE: Normalmente, pola noite. Na cama.
LEO: Les soa?
DESIRÉE: Sí. E, pola tarde, co meu irmán.
LEO: Como é ler con Alex?
DESIRÉE: Ás veces, algo desesperante pero, outras, é divertido ler todos xuntos.
LEO: Quen le máis na casa?
DESIRÉE: Entre meu irmán e eu. Miña nai le de vez en cando. Meu pai xa nada.
LEO: Ao mellor é que traballa tanto que xa non lle chega o tempo para ler.
DESIRÉE: Sí, iso é o que pasa.
LEO: Ben, señorita, busca un sitio para sacar a foto.











martes, 31 de enero de 2017

A escritora Marilar Aleixandre ingresa na Real Academia Galega.
Pero... quen é Marilar?? No seu blog podes consultar toda a información necesaria.
Na biblioteca temos un montón de libros seus. Todos moi interesantes!
Pregunta por eles!


miércoles, 25 de enero de 2017

jueves, 12 de enero de 2017

Lector de decembro: Nuria da Silva

E como non podía ser menos, outra sorpresa para rematar o ano! Ata os maiores de sexto tiven que ir para atopar ao último lector do 2016. Esta clase está imparable. Estou requetefeliz!

LEO: Como te chamas?
NURIA: Nuria da Silva. 
LEO: Cantos anos tes, Nuria?
NURIA: 11. 
LEO: Recordas cantos libros liches?
NURIA: ...pois...dous de Harry Potter ("Harry Potter y la cámara secreta" De J. K. Rowling. Editorial Círculo de Lectores), o dos frikis ("Escuela de frikis" de Gitty Daneshvari. Editorial Montena) e O que lle aconteceu a Barnaby Brocket (“O que lle aconteceu a Barnaby Brocket de Carlos Acevedo. Editorial Edebé)..
LEO: Tes algún favorito entre eles?
NURIA: O primeiro de Harry Potter ("Harry Potter e a pedra filosofal" de J.K. Rowling. Tradución de Marilar Aleixandre. Editorial Galaxia). Levei o libro e a peli. 
LEO: E que está mellor, o libro ou a película?
NURIA: O libro sempre. 
LEO: Por que?
NURIA: Porque a película destaca máis os efectos especiais. Cando está na aventura é mellor. O libro, durante a historia enteira, explica moito máis. 
LEO: Tes toda a razón, Nuria. Pero ti sabes que hai moitos nenos que non pensan así?
NURIA: Home, os libros de Harry Potter son longos pero molan. A peli é máis doada de ver. Na peli hai esceas que non destacaban no libro. O máis raro de todo é que hai dúas cousas que se saltaron na película. 
LEO: Carambas, que nivel! De que te diches conta? Que saltaron?
NURIA: Non saian os diferentes botes de poción para elixir e poder pasar e tampouco aparecía o troll que está morto dun puñetazo na cabeza. 
LEO: Que tipos de libros che gustan?
NURIA: Fantasía. 
LEO: E descubriches algún libro que non che gustara nada?
NURIA: Hai libros que non me gustan nada, como os cómics. Os libros que non traen demasiados debuxos e non explican a historia ben. Gústanme con poucos debuxos. Por exemplo, os de Gerónimo Stilton, os libros xigantes, que traen a letra grande e moitos debuxos, non me gustan. 
LEO: Xa sabes que é moi raro que atópemos lectores en sexto. Que farías ti para que houbese máis?
NURIA: Eu creo que non ten que ver con iso. A min pódeme levar quince días ler un libro. E non é o mesmo coller un libro de Harry Potter que coller libros deses que len nun día os pequenos. 
LEO: Pero... ti daste conta de que os pequenos len moito máis despacio do que podes ler ti. E que eles poden ler un ratiño algunhas páxinas e, logo, xa non queren ler máis. E ti podes ler unha hora, ou máis, todos os días e non te cansas. 
NURIA: Xa pero aínda así...o normal é que gañen os pequenos. 
LEO: Bueno, bueno...Que se che ocorre a ti para animar a ler aos que non lles gusta?
NURIA: Pois que busquen libros que seguro que algún atopan para ler. Ten que haber algún que lles guste. De poesía, fantasía, manga, cómic,...algún ter que gustarche. Ves algúns libros que están vellos pero son bos pero hai que buscar. Como, por exemplo, o de Matilda ("Matilda" de Roald Dahl. Editorial Alfaguara). Outros que pasas e non te atraen pero te paras e atopas algún que sí. Eu pareime, busquei e, todos os que me chamaron, os anotei nun papel para collelos despois. 
LEO: E na biblio, que podemos facer nós para animarvos a ler máis?
NURIA: Eu creo que se debería coller outro tipo de libros, libros de todo tipo. E tamén hai que ver que son aptos porque algúns son para maiores. 
LEO: Mensaxe recibida, Nuria! Imos facer a foto, vale?
NURIA: Sí.
LEO: Busca un sitio que che guste para a foto e sorrí moito para saír ben guapa. Noraboa!




domingo, 1 de enero de 2017

jueves, 22 de diciembre de 2016

Recomendacións lectoras Nadal 2016

Aquí tedes as suxerencias de lectura para estas vacacións. Tamén son unhas ideas estupendas para facer agasallos. Así que, Papá Noel e Reis Magos, tomade nota!!


domingo, 18 de diciembre de 2016

Novidades!

Máis novidades na biblioteca!!


jueves, 15 de diciembre de 2016

Novidades: Los Sin miedo

Atentos rapaces e rapazas de 6º! Este novo lote é para vós: 5 libros novos da colección LOS SIN MIEDO. Quen se atreve a empezar? Pasarás medo?


lunes, 12 de diciembre de 2016

Máis novidades

Aquí tedes algunhas das novas películas que hai xa dispoñibles na biblioteca: A Patrulla Canina, Harry Poter, Bob Esponja, Mickey, ... están todos! A que esperas?


sábado, 10 de diciembre de 2016

Lector de novembro: Marta Dasilva

De sorpresa en sorpresa! Os lectores deste curso son unha marabilla. Moitos recreos pasa a miña amiga Marta na biblioteca buscando libros. Atentos!

LEO: Como te chamas?
MARTA: Marta.
LEO: Cantos anos tes? 
MARTA: 7 anos.
LEO: Hai un montón de fichas de espedregadís feitas por ti este mes. Por que?
MARTA: Porque me gusta ler.
LEO: Así de repente? Antes non che gustaba ler?
MARTA: Sí que me gustaba.
LEO: E logo, por que non as facías o curso pasado?
MARTA: Non sei.
LEO: Cales son os teus libros favoritos?
MARTA: Os de animais.
LEO: Hai algún libro que che guste moito, moito, moito?
MARTA: Sí pero non sei como se titula.
LEO: E sabes onde está? Queres ir buscalo?
MARTA: Sí. ("A noite das mudanzas" de Pep Bruno & Lucie Müllerová. OQO editora).
LEO: Que ocorre neste libro?
MARTA: Un señor que está buscando á vaca para tomar leite pero todos os animais están cambiados de sitio. O burro está no sitio da vaca. O can no sitio da galiña. E a vaca no sitio da ovella.
LEO: Andá! E o señor que sen tomar leite entón?
MARTA: Non, colle o leite, vai para cama e listo.
LEO: E como consigue atopar o leite?
MARTA: Porque vai buscando por todos os sitios ata que aparece a vaca.
LEO: De acordo, Marta. Moi ben. Dime unha cousa, por que che gusta ler?
MARTA: Non sei... Porque así sei máis cousas.
LEO: Certo, moi certo. E agora unha pregunta súper difícil. Que farías ti cos teus compañeiros de clase para animalos a ler tanto coma ti? Que lles dirías?
MARTA: Que lle dan cousas. Se fan a ficha dos espedregadís, a final de curso, collen o que eles queiran na Feira Medieval.
LEO: Esa é un bo motivo. Con quen les na casa, Marta?
MARTA: Algunhas veces con mamá, outras con papá e outras con Nuria.
LEO: E quen le máis?
MARTA: Nuria.
LEO: Estou de acordo, Nuria colle moitos libros aquí. Pero libros de maiores xa.
MARTA: Leu o de "Mujercitas", que era así de gordo...
LEO: Claro, porque ela xa le moi rápido. A ti vaiche pasar o mesmo, xa verás. Imos facer a foto. Ponte guapa!



lunes, 5 de diciembre de 2016

Doazón

As familias e alumnos do CEIP de Espedregada son xeniais!
Hai dous novos lotes de libros doados á biblioteca, libros que teñen unha nova oportunidade de ser lidos por moitos máis nenos. Moitas gracias familias!
María Fumaça, Xelo, Pupi, Pinocho,... están todos aquí. A que esperas para vir buscalos?

 

jueves, 1 de diciembre de 2016

Cuturgal

Mañá venres arranca unha nova edición de Culturgal. Os alumnos de Infantil e 1º serán os primeiros en acudir. E vós, cando iredes?
Consultade aquí toda a programación.

jueves, 17 de noviembre de 2016

Novidades

Xa tedes aquí algunhas das novidades do primeiro trimestre. Scoobydoo, Alicia en el país de las maravillas, Los descendientes,... Sé o primeiro en lelos!

miércoles, 9 de noviembre de 2016

Club de lectura: familias

Este venres comezará o III Club de lectura para as familias do CEIP Espedregada. Tras as lecturas compartidas de"Rebelión en la granja" de George Orwell, e "Yo, robot" de Isaac Asimov, mergullámonos agora nas palabras escritas por Berhard Schlink en "El lector".

Der Vorleser (no seu título orixinal) é unha novela alemá traducida a máis de trinta idiomas. Soamente en Alemaña vendéronse máis de medio millón de exemplares. Cunha temática do máis complexa e delicada, non exenta de críticas, agardamos que as lectoras do noso club disfruten moito desta obra.

As reunións serán os venres ás 16.30 horas na biblioteca do centro.



martes, 8 de noviembre de 2016

Lector de Outubro: Carlota Calvo

Xa estamos de volta!  A primeira lectora deste curso é unha super lectora... chiváronme que lle encanta ler! Debe ser algo familiar porque a súa irmá tamén "debora" libros a todas horas.
Imos coñecer a esta super campioa!

LEO: Como te chamas?
CARLOTA: Carlota. 
LEO: Cantos anos tes? 
CARLOTA: 3 (sinalando tamén coa man). Lola 8. 
LEO: E sabes dicirme o nome da túa profe?
CARLOTA: Iria. 
LEO: Dixéronme que vés moito por aquí. Con quen vés á biblioteca? 
CARLOTA: Con mamá e con Lola. 
LEO: E que fas na biblioteca?
CARLOTA: Collendo libros. 
LEO: Que libros colles?
CARLOTA: O de Pepa, o da ra, o de Papá Noel,...
LEO: EnsÍnasme onde están?
CARLOTA: Collín éste ("El lobo" de Kimiko. Editorial Corimbo). E vou a coller este ("Se me mueve un diente" de Miriam Moss e Joanna M. Editorial Serres). Pero tamén quero este (DVD: "Cantajuegos 6". Juegos musicales. Sony Music). Vou velo. 
LEO: Que libro foi o que máis che gustou? (de repente, ponse a ordear todos os libros e DVD). 
CARLOTA: Este? ("Carlota e o príncipe azul" de Ana Pillado Vega. Editorial A NOSA TERRA). 
LEO: Este é o que máis che gusta? Chámase coma ti a prota...
CARLOTA: Non, este ("O robot Internot" de Ángels F. Editorial Combel). 
LEO: Cales son os libros que máis che gustan? 
CARLOTA: Este...non, este non que é de meigas ("Winnie the witch" de Korky Paul e Valerie Thomas. Editorial Oxford). 
LEO:  De meigas non, vale. De princesas gústanche?, de animais?, de policías?, ...
CARLOTA: De princesas. 
LEO: E cal é a a princesa máis guai de todas?
CARLOTA: Azul. 
LEO: Como é Azul?
CARLOTA: É de vermello, de amarelo, de verde e de azul. 
LEO: Ah. Ok. Que leva posto a túa princesa?
CARLOTA: Ten un vestido con tacóns e é así (ponse na punta dos pés e camiña como se tivese uns zapatos cuns enormes tacóns). 
LEO: Que guai. Encántame a túa princesa. 
CARLOTA: Eu quero apuntar (colle un boli e ponse a escribir nun folio). 
LEO: Xa anotaches todo, Carlota? Recorda que temos que facer a foto para a poñer na túa entrevista. Busca un sitio para facer a foto. 


sábado, 7 de mayo de 2016

Lector de abril: Agustín Torres

Outro rapaz de Infantil. Isto é unha marabilla!! Fixéronse de rogar pero agora están imparables.

LEO: Como te chamas?
AGUSTÍN: Agustín Torres Lores. 
LEO: Cantos anos tes?
AGUSTÍN: 4. 
LEO: E sabes que ti es o que máis liches este mes de todos os nenos do cole?
AGUSTÍN: Sí. 
LEO: Pois quero saber cales son eses libros que liches. 
AGUSTÍN: (marcha á estantería vermella e volve con varios libros): Éste, éste, éste, éste e éste. 
LEO: Sabes dicirme como se titulan?
AGUSTÍN: W-e-n-d- (- "que letra é ésta?" - "y") y, la ranita bocazas ("Wendy, la ranita bocazas de Sam Lloyd. Editorial Parramon). 
LEO: Quen é Wendy, Agustín?
AGUSTÍN:  Esta. 
LEO: E que lle pasa?
AGUSTÍN: Que está enfadada e morde a lingua. 
LEO: E para que morde a lingua?
AGUSTÍN: Non sei. 
LEO: Ok. Colle outro libro a ver como se titula. 
AGUSTÍN: Na - ve - ga, caracol ("Navega, caracol!" de Armando Quintero e André Letria. OQO editora). 
LEO: E sabes que pasa neste conto?
AGUSTÍN: Un caracol que está tan triste que navega e choca. Logo, saen istos, as ras. 
LEO: Moi ben. Imos con outro libro. 
AGUSTÍN: Cu - cu, ga - ti - to ("¡Cucu, gatito!" de Ophélie Texier. Editorial Macmillan). 
LEO: Que pasa nesta historia?
AGUSTÍN:  Mira. Están aquí os tres gatiños escondidos porque non queren asustar a ninguén. E logo, suben á árbore. E mira agora que lle pasa, están asustando ao rato e aparece un can. 
LEO: Fantástico. Imos co último. 
AGUSTÍN: Titúlase Cucu, pequeño canguro ("¡Cucu, pequeño canguro!" de Ophélie Texier. Editorial Macmillan. Mira onde está: ta - ta - ta - chan!
LEO: Que está facendo ahí o canguro?
AGUSTÍN: Está chupando a teta. E logo foi romper unha planta. Mira que saltos máis grandes da. E mira o salto de mamá. 
LEO: Carambas! E ti es capaz de saltar así de alto?
AGUSTÍN: Sí (e ponse a dar un salto moi longo). 
LEO: Que ben! Estás feito un súper deportista. Dime unha cousiña, Agustín. Cales son os teus libros favoritos?
AGUSTÍN: Cucu, pequeño canguro, Cucu, gatito e Navega, caracol. 
LEO: Vale, axúdame agora a explicarlle aos demais nenos que hai que facer se queres ler un libro da biblioteca. 
AGUSTÍN: Ir a collelo. 
LEO: E despois que fas?, Quedas con el na man?
AGUSTÍN: Non. Pois abrilo e lelo. 
LEO: Pero digo eu que antes terás que facer algo con este número (número de rexistro), non?
AGUSTÍN: Sí.
LEO: Pois explícame, por favor. 
AGUSTÍN: Dicir este número e anotar a fechar para saber cando o tes que devolver. 
LEO: E logo que fas?
AGUSTÍN: Lelo. 
LEO: Aquí na biblioteca?
AGUSTÍN: Non. Levalo para casa. 
LEO: Ahh! E na casa con quen les?, Ou les só?
AGUSTÍN: Só. Eu sei ler. 
LEO: Que marabilla. Estarán mami e papi súper contentos. 
AGUSTÍN: Sí. 
LEO: A quen lle gusta ler máis, a ti ou ao teu irmán?
AGUSTÍN: A min. 
LEO: Unha pregunta trampa. E quen le máis, ti ou Guille?
AGUSTÍN:  Eu. 
LEO: Moi ben, Agustín, xa está. Temos que facer unha foto para que saias moi guapo na entrevista. Busca un sitio para sacar a foto. 





viernes, 8 de abril de 2016

Lector de marzo: Antía Iglesias

Por fin un rapaz de Educación Infantil!! Xa case pensaba que aos pequenos do cole non lles gustaban os libros da biblioteca. Que susto! Aquí está Antía para decirnos que iso non é así aínda que, estaba un pouco desconcertada, cría que non lera tanto para poder converterse na lectora do mes.

LEO: Como te chamas?
ANTÍA: Antía 
LEO: Cantos anos tes?
ANTÍA: 5. 
LEO: Sabes como se chama a túa profe?
ANTÍA: Cristina. 
LEO: Moi ben, Antía. Outra pregunta. Podes dicirme se liches moitos libros?
ANTÍA: Sí. 
LEO: E recordas algún? 
ANTÍA: El libro de las hadas. Uno de un conejito, de una marca. Otro igual. O da marca químico. Princesa do Courel. ("El libro de las hadas" de Leonora Barsotti. Editorial Susaeta; "El conejo" e "El perro". Editorial Kimiko; "A princesa do Caurel" de Javier I. Solchaga. Editorial Patacrúa). 
LEO: Como que igual? Hai un repetido?
ANTÍA: Non. Un do coello e outro dun can. 
LEO: Vale, vale, Antía. Xa me chega. Son un montón. E cal che gustou máis de todos os que acabas de decirme?
ANTÍA: O do coelliño. 
LEO: De que vai este libro?
ANTÍA: De que un coelliño xogaba cos seus amigos e o pasaba moi ben. Despois foron a xunto da nai. 
LEO: E a que foron a xunto da nai?
ANTÍA: Non o sei porque non o poñía o libro. 
LEO: Oh! Como pode ser iso? Hai un libro sen acabar na biblio?
ANTÍA: Non pero acababa así. 
LEO: Ah, que susto! Pois moi ben entón. Dime cales son os teus libros favoritos. 
ANTÍA: Os de princesas, os de fadas e nada máis. 
LEO: Antía, unha pregunta difícil. Ti sabes dicirme cal é a princesa máis guapa de todas?
ANTÍA: Sí, Peach
LEO: Non coñezo a Peach! Dime como é, por favor. 
ANTÍA: Pelo longo, amarelo. A cara é de cor carne. Os ollos tamén son carne. Leva posto un vestido rosa. E tamén luvas brancas. 
LEO: Como coñeces a Peach? Hai unha película?
ANTÍA: Non, duns xogos que teño na Nintendo. 
LEO: E gústache xogar?
ANTÍA: Sí. 
LEO: Xogas ti soa?
ANTÍA: Tamén con Uxi. A Uxía tamén lle gusta. En realidade se chama Uxía, miña irmá. 
LEO: E quen gaña cando xogades xuntas? 
ANTÍA: Uxía. 
LEO: Sempre gaña ela?
ANTÍA: Sí. 
LEO: Eu creo que fai trampas. Non pode ser que sempre gañe ela. Non te parece?
ANTÍA: Sí, sempre fai "trampillas". 
LEO: Só nos queda facer a foto Antía. Así que busca un sitio que che guste para facela. 



sábado, 5 de marzo de 2016

Lector de febreiro: Javier Taboada

Menuda sorpresa máis grande. Tiven que volver ao grupo de terceiro a buscar ao lector do mes. Que marabilla de clase, están lendo un montón! E quen é o lector deste mes? Pois nada máis e nada menos que Javi Taboada Meis. Moitísimas felicidades!

LEO: ¿Cómo te llamas?
JAVI: Javier Taboada Meis. 
LEO: ¿Y cuántos años tienes, Javi?
JAVI: 9 años. 
LEO: Repetimos como lector! ¿Cuándo fue la otra vez?
JAVI: El año pasado
LEO: ¿Cómo te sientes?
JAVI: Me siento muy orgulloso de mí y con ganas de volver a serlo. 
LEO: ¡Qué maravilla escucharte hablar sí, Javi! Dime, ¿Qué libros leíste?
JAVI: El del Diario de Greg: Atrapados en la nieve ("Diario de Greg 6: ¡Atrapados en la nieve!" de Jeff Kinney. Editorial RBA). y Esto es el colmo ("Diario de Greg 3: Esto es el colmo" de Jeff Kinney. Editorial RBA), El principito ("El principito" de Antoine Saint-Exupéry. Ediciones Clic) y los de Diario de una friki ("Diario de una friki", "Diario de una friki 2: Las invencibles la lían parda" y "Diario de unafriki 3: Destino: Catástrofe" de Anna Cammany. Editorial Montena) y...ya no me salen más. 
LEO: ¿Y cuál fue el que más te gustó?
JAVI: Pues los de Diario de una friki. 
LEO: ¿Qué le pasa a la friki?, ¿De qué va este libro?
JAVI: Yo sólo me acuerdo de una parte. Iban de acampada y se encontraron una fuente en la que estaba una viejecita. La viejecita les avisó de que iba a caer una tormenta muy fuerte. Y los mandó marchar. Pero ellos decidieron no hacerle caso. Después empezó a granizar hasta que un granizo le cayó en el ojo a una amiga de la protagonista. Se pusieron a cubierto en una casa de ladrillo. A la chica le dolía muhco el ojo. Un chico fue a pedir ayuda y se encontró con la viejecita que le regañó por no hacerle caso. Resultó que la casa de ladrillo era de la viejecita. 
LEO: Ufff Javi, casi me cuentas todo el libro. ¿Cuáles son los libros que más te gusta leer? 
JAVI: Ehh...pues de risa y de aventuras. 
LEO: ¿Y cuáles son los que no te gustan nada? ¿Hay alguno?
JAVI: Son los que tienen muchas páginas y los que no tienen dibujos porque sólo ves letras. 
LEO: ¿Te asusta tanta letra?
JAVI: Sí. 
LEO: Pero tú sabes que casa vez los libros que lees van siendo más gruesos y más difíciles porque cada día que pasa eres capaz de leer más cosas. 
JAVI: Ya. 
LEO: ¿Pero eso te preocupa?
JAVI: Sí. 
LEO: Bueno. ¿Qué más haces cuando vienes a la biblioteca, además de llevarte muchos libros? 
JAVI: Me llevo películas. A veces, cuando ya a va a tocar, pues me quedo y leo aquí. 
LEO: ¿Crees que falta algo en la biblioteca? ¿Hay que comprar algo?
JAVI: Sí, hay que comprar más libros. 
LEO: ¿Sobre qué?
JAVI: Yo pienso que hay que comprar más libros de risa, chistes y de lecturas animadas. 
LEO: ¿Alguno en concreto estás pensando?
JAVI: De Asterix y Obelix y de libros que huelen al rascar los dibujos. 
LEO: Muy bien Javi. Fue todo un placer hacerte esta entrevista. Ahora, mientras yo preparo la cámara, vete pensando dónde quieres hacerte la foto.